Früeh ufgstande simmr schnell in Supermarkt go e feins Zmorge chaufe und den ab go d Tempel vo Palenque aluege. Döt hämmr den au ufe paar Tempel chönne ufe chlättere und d Ussicht vo Obe gniesse.

Nochdem mr alles agluegt hän, simmr witer gfahre richtig Calakmul. Das isch e witeri Mayastätte zmitz im Dschungel. Mir hän indr Einzige Übernachtigsmöglichkeit gschlofe wit und breit - imene Bungalow im Dschungel :) Si hän uns grohte gnueg Benzin ztanke und gnueg Gäld mit znäh, will die nächsti Stadt 90 Km entfärnt isch. Also sin mir no go tanke, hän abr leider vergässe no Gäld usezloh (zudem den witer am nächste Dag).

Womer döt acho sin, hets nur so gwimmlet vo Mosquitos..abr unsers bescheidene Bungalow isch super toll xi. Mir hän den no e Gump ins Pool mite im Dschungle gmacht und sin den go Znacht ässe. D Nacht isch rächt gmietlich aber au e biz unheimlich xi, me het alles ghört vo duse umeglofe isch, will mer nur Muckegitter als Fänster ka hän. Es isch abr e super Erfahrig xi :D