Ich ha leider nit viel zit zum do immer neui Sache zschriebe will immer was los isch do. Ich fühl mi scho langsam deheim do, das hani richtig gmerkt woni vo mim Weekendtrip widr zrugg cho bi.

Ich ha scho soo vil Sache gmacht do, abr ich zähl mol e paar uf.

Am Zistig indr 2. Wuche bini in sone Outletshopping Village gange. Es isch eifach riiesig und d Amis fahre notürlich vo Lade zu Lade mit ihrne Chäre ;) Aber es isch gaar nit soo mega billig döt, abr wahrschinli dänki das au willi halt indr Schwizz nit soo vil Markesache ichauf. Am Mittwuch bini den s erste Mol go Surfe :) s Wasser isch schrecklich chalt xi und es het mega gwindet abr es isch super lessig xi :) leider hani mr den abr e Zerrig zuezoge und ha miese ufgäh nochere Stund..Aber ich wird sicher nomol go während i do bi :)

Das Weekend bini mit dr Livia (mini Mitbewohnerin) uf LA gange. Am Samstig simmr mitem Kolleg no in Hollywood xi und hän döt alles chli agluegt. Es isch soo krass wenn me eifach döt stoht wome sunst nur immer im Film gseht :) Es isch super schön döt und het vil Sache wome cha go aluege. Zobe simmr den uf Santa Monica go esse mit 2 Kollege und hän den au döt imene Hostel übernachtet. Am Sunntig isch nit so super Wätter xi, darum hämmr den beschlosse eifach in Santa Monica zbliebe und döt chli zlädele :) dr Usflug isch uf jedefall super toll xi :)

Jetzt sin scho 2 Wuche ume und es isch sooo schnell verbi gange. Es gfallt mr immer wie besser do, obwohli no lang nit alles gseh ha. Mir sin abr scho widr am nächste Trip plane :)