Travel the world

27.März

Es goht no 5 Wuche und den isches sowit :) d Vorbereitige laufe uf Hochtuure, mir falle immer widr neui Sache i woni no sött erledige. Abr s Gröbste isch scho gmacht: Pass, Visum, e grooosse Koffer & Adapter bsorgt! Jetzt chömme eifach no die chleine Sache uf mi zue, wie Natelabo ändere, Bankkonto ändere und neui Chärtli mache und dr internationali Füehrerschin beaträge. Ich ha mr das gar nit so kompliziert vorgstellt woni beschlosse ha die Reis zmache, abr me muess ebe scho an alles dänke.

21. April

So dr Countown lauft no 10 Däg und den gohts ändlich los :) d Vorfreud und d Ufregig stiege vo Tag zu Tag. Abr ich ha gar nonig verzellt, wie mini genaue Reisedate usgsehn, darum do mol e chline Überblick:

1. Mai New York

2.-8. Mai Roadtrip mitem Auto indr Umgebig vo New York mit dr Nadsh und dr Cathy

8. Mai Flug nach LA

9. Mai bis 16. Juli SANTA BARBARA (döt wohni inere Gastfamilie und gang ans City College)

16. Juli bis 7. August Mexico (2 Wuche Playa del Carmen und ei

Wuche umreise) mit em Pascal

Das wärs ;) ich freu mi jedefalls riesig uf das Abentür!

29. April

Woow jetzt chani scho säge ÜBERMORN!! d Zit goht soo schnell ume..

Gestr isch packe ufem Programm gstande und ich muess säge ich hasses!! Was nimmt me mit wen me für 3 Mönet wäg goht? Jedefalls hanis noch 2 mol dr Koffer widr uspacke doch no gschafft! :)

I weiss jetzt au ändlich zu was fürere Gastfamilie ich chum und wo ich wohn, dönt alles super toll, mol luege wies wird!

Jetzt heissts nomol s letschte Wuchenänd mit dr Familie und de Fründe gniesse und den Abschied näh.