Noch eim Joor kei Schuel isches fast e chli komisch widr ind Schuel miese zgo. Abr do isch das jo alles halb so schlimm..Ich bi ins Level 4 (vo 6) iteilt worde und ha d Nomitagklass, das heisst ich ha vom 13.45 bis 17.00 die normali Englishklass. Do ich dr Intensivkurs gnoh ha (dank em Überrede vom Mami und Papi :)) hani vom 12.00 bis 13.30 no Electives, das sin so Wahlfächer (wo mer abr nit hän chönne wähle sondern stickfräch eifach iteilt worde sin..). Döt hani am Zistig und Donnstig Current Events (wo mer bis jetzt über Internet, Facebook und Tattoos gredet hän) und am Mäntig und Mittwuch Academic Writing (wo mer so puri Grammatik und Satzglieder ect. durenähme). I will abr nächst Wuche mol luege öbi cha wächsle zu öpisem wo mi au interessiert. Am Morge standi meistens so am 8i uf, gang go jogge odr fahr chli mitem Velo ume und den gohts au scho gli ind Schuel. Noch dr Schuel gömmr meistens no Downtown chli go läddele odr öpis ässe.

D Schuel isch rächt gross und schön, vorallem gseht me diräkt ufs Meer abe :) Es het au vil Amerikanischi Studente wo döt studiere und so isch vo fast jedem Land chli öber drbi. Bis jetzt gfallts mr ämel guet do :D