Das Wuchenänd hani mit dr Livia s erste mol e Weekend-Usflug, wo vo dr Schuel veranstaltet worde isch, gmacht. Mir sin am Samstig morge frieh los nach Anaheim (das liegt chli südlich vo LA) ins Disneyland. Uehh ich ha mi soo gfreut, nur leider hets Wätter nit so mitgspielt..Abr trotzdem ischs mega toll xi :) hän widrmol chli chönne Chinder si ;) mir sin uf mega viel Bahne und Attraktione und zobe hämmrs Füürwärk bim Disneyschloss gseh (eifach wie im Märli). Mir hän den imene Inn gschlofe (das isch so wie e Hotel abr es gseht us wie e Wohnblock), isch ganz okey xi.

Am Sunntig morge sin d Livi und ich den frieh ufgstande das mr ins IHOP chönne go zmorge ässe (IHOP ischs International House Of Panecakes) :) den simmr den mitem Büsli zu de Universal Studios gfahre. Döt hämmr als allerersts e Tour durch d Studios gmacht, das isch ächt faszinierend xi und sehr interessant, mir hän unteranderem d Stross vo Desperate Housewives und im Mr. Bean si Mini gseh :D Den simmr no diversi Shows mit Spezial Effects go luege. Dä Dag isch ächt super xi :)