Am Mittwuch hämmr eigentlich e Auto reserviert ka zum neume ane zfahre abr do die mexikanische Zueverlässlichkeit leider nit so hoch isch, hämmr miese ufe Scooter uswiche. Also simmr mit dem chleine Brummerli los richtig e Cenote. E Cenote isch eigentlich e Wasserloch wome cha go bade :)

Zerst simmr also ind Cenote Eden go bädele. Döt ischs Wasser mega klar und suber und es gseht eifach traumhaft us.

Spöter simmr den nach Akumal gfahre ane Strand, wo mer uns mit Schnorchelutensilie usgrüstet hän und chli im Meer sin go schnorchle. Mir hän e Riff gseh und meeega vil Fisch. D Unterwasserwält isch scho mega faszinierend :)

Nochane simmr no ine Lagune gfahre wo mer au nomol chli gschnorchlet hän. Leider hämmr uns nit sooo guet icreamt und d Sunne het e paar Stündli mit voller Wucht uf useri Rucke und Wade präglet..Sunnebrand isch d Folg xi. Abr sunst isch die Lagune wirklich super schön xi und me het widr mega vil verschiedeni Fisch gseh. Leider het mi irgendöpis ähnlichs wie e Anemone gstreift und jetzt hani halt paar wissi Strich am Bei abr das ischs wärt xi!