Am morge hämmr s Mietauto abgholt (e Nissan Versa) und sin den nomol ins Hostel go unseri Köfere ilade (si sin eifach zschwer zum trage..). Den ischs ab Richtg Boston gange.
Mir hän den e Stopp in New Haven gmacht und sin döt go d Yale University aluege. Het chli öpis ka vo Harry Potter J und alli hän mega gschid usgseh so das mr paar „unuffälligi“ Föteli vo ihne hän miese mache ;) Den simmr ins Architekturgebäude ine und hän döt e Schwätzli miteme alte Maa ghalte wo uns am Schluss no Sandwich adreiht het wo eigentlich für die Agstellte döt xi wäre ;) den simmr no ind Libery gange und die isch eifach fantastisch xi (bilder folge).
Aschliessend simmr den witer gfahre nach Providence zum döt go d Brown aluege. Au e sehr schöni Uni muessi säge. Zobe simmr den im Chilis go esse (sone Mexikanischs Restaurant) und den zu unsere Couchsurfer gfahre. 6 Jungs und ei Frau wo alli zäme in eim Huus wohne und immer Lüt ufnähme wo chönne bi ihne gratis schlofe.
Diese Webseite wurde mit Jimdo erstellt! Jetzt kostenlos registrieren auf https://de.jimdo.com