Nocheme chleine Zmorge indr Jugi simmr eme Gheimtip gfolgt und ine chleins, abgläges Städtli gange. Döt sin d Lüt alli glich agleit und hän e ganz speziells Ritual. Sie stöhn mit Weihrauch vor dr Chirche und singe, e paar lön Füürwärk ab, indr Chirche sin tuusigi vo Cherze und die Lüt "betrinke" sich mit Cola, Fanta und Sprite (das macht si anschinend high). Den riebe si sich mit Hüehner i und schwinge die ande Bei ume, um si aschliessend zopfere. I ha mi döt rächt unwohl gfühlt und ha schnell widr wele go.

Am Nomitag simmr den go d Agua Azul aluege. Das sin so Wasserfäll wo eigentlich meega schön blau sötte si, abr leider isch jo Rägezit xi und den sin si halt eher Kaffi gsi ;) Es isch trotzdem toll gsi.

Am Obe hämmr den in Palenque übernachtet.