Grad mol vorwäg: DANKE für dä tolli Geburtstag :)

Dä Dag isch wirklich super xi. I ha mi scho chli komisch gfühlt dr Geburtstag so ganz ohni Family und Fründe zverbringe abr es isch wirklich toll xi.

Am 12i Znacht het mini Housemate 21 Cherzli azündet und mir gratuliert, den simmr abr au gli go schlofe das mr fit füre 22. xi sin. Am morge bini chli spöter ufgstande willi dänkt ha me dörf sich jo au mol öbis gönne ;) den hani Gschänkli ufgmacht (danke Mama, Paps und Adi und Pascal). Ufd Pause bini den doch no für 1.5 Stund ind Schuel und den bini mit Kollege go Zmittag ässe bim Italiener :) Zobe hän d Liv und ich uns den parat gmacht füre Usgang und sin den am 6i mitem Bus richtig Downtown. Döt simmr ine Mexikanisch Bar wo mr den au bliebe sin bis öbe am halbi 11i. Notürlich hani au ganz Amerika-like e Chrönli übercho woni dr ganz Obe ha miese aha :) Ich ha döt mit Kollege gässe und gefestet bis mr witer ine Club gange sin. Es isch soo toll ändlich widr alles dörfe zmache, has scho chli vermisst. Isch nit so toll xi, das me immr am 10ni zobe überall het miese dus si und nur 1! Kinoticket het chönne chaufe will me nonig volljährig xi isch ;)

Ich has jedefalls in volle Züg gnosse nomol volljährig zwärde :)