An eim vo de wenige Wuchenänd woni in Santa Barbara bliebe bi, ischs Wätter leider widrmol nit so guet xi..Also hän ich und 2 Kolleginne beschlosse d Sunne zsueche. Mir hän den mi Gastvater gfrogt und är het uns dr Tip gäh eifach übere Bärg ins Landesinnere zfahre. Das hän mr den au grad in Tat umgsetzt und mir sin sälber erstuunt xi, dass nach 20 min Fahrt d Sunne do xi isch und strahlend blaue Himmel ka het :) mir hän den e See gfunde und döt chönne e Motorböötli miete. Also sin mir 3 Blondine los ufe See und nach afängliche Schwirigkeite hän mr au s Stüre in Griff becho ;) Es isch eifach e super Nomitag ufem See xi und mir hän widr chli Schwizzer-See-Feeling ka :)

Aschliessend hämmr no e Pause bi sonere iheimische BBQ-Party gmacht und döt hets usgseh wie in Texas, alli am Steak ässe und e Band het gspielt, wo usgseht het als würde si sit 100 Joor nüt anders mache also do im Nüt use Konzärt zgäh.. Isch e geniale Abschluss vo däm Dag xi :)