Will au ich ändlich 21 xi bi, hämmr notürlich grad beschlosse uf Vegas zgo :) also hämmr e Trip buecht wo vo dr Schuel us organisiert xi isch. Do hämmr uns um nüt miese kümmere und das het uns grad so passt. Am Fritig simmr den am Mittag abgfahre und wills so viel Stau ka het simmr leider erst am halbi 10ni in Vegas im Motel acho. Mir hän uns den schnell parat gmacht und sin ufe chleini Tour durch d Casinos gange. Hän den e Stopp gmacht vorem Bellagio wos e super tolli Wassershow het und hän den no e Limodrive zum berühmte Schild (Welcome To Fabulous Las Vegas) gmacht. Aschliessend sin ich und d Kollegin los mi Cousin go sueche. Mir sin den ine Edelschuppe und hän die ganz Nacht gfiirt. Ha so Freud ka nach 8 Wuche wäg vo deheim widrmol öber vo deheim zgseh :) isch ächt super xi :D

Am Samstig hämmr den ugschlofe und sin all die Casinos go aluege. Es isch meega heiss xi, 42 Grad und kei einzigs Windli wit und breit. Es isch fast unerträglich xi. Zobe simmr ins New York New York go ässe und den ins Old Town döt wo alles agfange het mit de Casinos. Am Sunntig simmr den ufdr Heimfahrt no bimene Ghost Town verbi. Döt ischs no heisser xi als in Vegas und me het sogar bim sitze gschwitzt..Zobe simmr den erschöft abr glücklich widr deheim acho.

Isch widrmol e super tolls Weekend xi mit e bitzli deheim :D