Dag 8 – Bye Bye

Jetzt hets scho widr gheisse Abschied näh vode Mädels. Mit vielne neue Idrück sitzi jetzt im Flugzüg nach LA. Wo mi den e Transfer abholt und mi zu minere Gastfamilie bringt. Bi scho sehr gspannt wie die 10 Wuche in Santa Barbara wärde.

Woni acho bi in LA isch mi Transfertyp unuffindbar xi und ich ha zerst mol miese ¾ Stund warte bis mir uns ändlich gfunde hän. Noch 2 Stunde fahrt simmr den in Santa Barbar acho. D Suzie mis Gastmami het mr au grad d Türe ufgmacht und mr mis Zimmer zeigt. Ich ha e Zimmer mit ere Asiatin.. Es het no zwei anderi Schwizzerinne do und mit dene hani den au zobe nochem Znachte (es het Pasta gäh) no chli quatscht.

Mini Gastfamilie bestoht us 4 Persone. Mis Gastmami d Suzie, dr Gastpapi Clint und die beidi Zwillingstöchterli Annie und Kate wo vieri sin. Si wohne inene Huus mit Garte und Pool, nit allzu wit wäg vo dr Schuel.

Zobe bini den schnell mol mied xi, sin jo doch widr 3 Stund Unterschied zu NY und bi den gli mol ins Bett.