Nachere herrliche Nacht bi suubere Couchsurfer hemmer uns ufgmacht richtig Downtown. Döt hämmr den im Hardrock Cafe Lunch gässe und sin den gstärkt go Philadelphia aluege. Mir sins berüehmte LOVE zeiche go aluege und das Independence-Zügs (ich cha leider au nit meh drzue säge willi nit genau weiss was das xi isch). Nochane hämmr mol ändlich chli Föteli zu 3. gmacht und chli umeblödlet J am Nomitag simmr den in dr South Street xi das isch sone Stross mit chleine Lädeli und jedemänge Kaffis und Restaurants. Döt het uns dr Durst ine Mexikanischs Restaurant triebe und will dr 5.Mayo sone mexikanische Fiirdag isch, hän die Lüt döt richtig Party ka und sin fast alli betrunke xi..mir hän uns den mit eme Ice Tea abgäh und hän vo unserne Tischnochbere so Wärbegschänkli vonere Mexikanische Biersorte XX becho. Isch richtig crazy xi döt ine. Nochane hämmr wie vo unsere Couchsurfer empfohle e Cheesesteak probiert..ich has gar nit gärn ka..abr jedem das seine ;) Am spötere Nomitag hämmr uns ufgmacht zum Kunstmuseum wo die bekannti Rocky Szene dreiht worde isch, wo är d Stäge uferennt. D Cathy het sich au in dem versuecht, het abr noch e paar Stäge scho widr ufgäh. Vo ganz obe hämmr den d Skyline vo Philly chönne bestune und die letschte Sunnestrahle vomene wunderschöne Dag gniesse.

Zobe simmr den mit unsere Roommates go griechisch ässe. I ha mi den mitem Salat zfriede gäh, dassi au mol öpis gsunds gässe ha die Wuche ;) die 2 andere wän mr ebe alles zeige was si gärn hän in Amerika und do isch halt UNGSUND vorprogrammiert ;) wo mer den satt xi sin, hämmr no e Dessert gholt und sin den zrugg ins Huus womer no chli quatscht und s Dessert gässe hän. Aschliessend simmr erschöpft ins Bettli (Couch) gsunke.